«Hetyja vydatki biudžet biare na siabie». U Polščy źniziać ceny na pradukty, paliva i haz
Pradstaŭlajučy antyinflacyjny płan, premjer-ministr Polščy Matevuš Maraviecki paviedamiŭ ab źnižeńni cen na pradukty, paliva, haz i ŭhnajeńni.
Kiraŭnik polskaha ŭrada abviaściŭ, što na praciahu šaści miesiacaŭ, pačynajučy z 1 lutaha, staŭka padatku na dadadzienuju vartaść na paliva budzie źnižanaja z 23 da 8%.
«Heta budzie radykalnaje źmianieńnie cen. Palaki ŭbačać na zapraŭkach jašče bolš nizkija ceny na paliva. Ja spadziajusia, što heta adbudziecca ŭžo praz try, maksimum — praz čatyry tydni. Pavodle našych raźlikaŭ, cana za litr paliva źnizicca na 60 hrošaŭ (13 jeŭracentaŭ), moža być, navat na 70 hrošaŭ (15 jeŭracentaŭ). Hetyja vydatki biudžet polskaj dziaržavy biare na siabie», — skazaŭ kiraŭnik urada.
Matevuš Maraviecki taksama paviedamiŭ, što ŭrad pryniaŭ rašeńnie ab źnižeńni staŭki PDV da 0%, a faktyčna — ab jaje admienie. Heta tyčycca praduktaŭ, jakija ŭ ciapierašni čas pakryvajucca staŭkaj 5%, a heta bolšaść praduktaŭ charčavańnia.
Jak skazaŭ premjer, zhodna z uradavymi raźlikami, paśla źnižeńnia staŭki PDV u kašalku kožnaha palaka pavinna zastavacca na 45 złotych bolš (10 jeŭra).
«Ja taksama zaklikaju ŭsich pradprymalnikaŭ, jakija pradajuć charčavańnie, źnizić ceny na pradukty na 5 złotych (1 jeŭra). Heta vielmi važna, bo heta nie zarobak pradprymalnikaŭ, a heta častka taho, što traplaje ŭ biudžet polskaj dziaržavy. My źnižajem samuju nizkuju dapuščalnuju staŭku PDV u ES da nula. Heta pryviadzie da taho, z 1 lutaha źniziacca ceny na ŭsie pradukty», — skazaŭ kiraŭnik urada.
Matevuš Maraviecki taksama zaklikaŭ ludziej praviarać, ci sapraŭdy ŭładalniki kramaŭ u ich rajonie źnizili ceny na pradukty.