Biełaruskaha anarchista Andreja Kazimirava vyzvalili z-pad varty ŭ Maskvie
Jon abvinavačvajecca va ŭdziele ŭ «masavych biesparadkach» u Biełarusi.
«Jon byŭ vyzvaleny 10 studzienia z pryčyny zakančeńnia limitavaha terminu ŭtrymańnia pad vartaj — 12 miesiacaŭ, jakija zakančvajucca 14 studzienia», — raspavioŭ «Novaj haziecie» advakat chłopca. Prakuratura chadajničała ab tym, kab pryznačyć Kazimirovu mieru strymańnia ŭ vyhladzie zabarony peŭnych dziejańniaŭ, ale sud admoviŭ.
Kazimiraŭ udzielničaŭ u mirnych pratestach paśla vybaraŭ i byŭ paranieny humovaj kulaj u nahu. Jaho razam ź siabram zatrymali ŭ kramie 13 žniŭnia.
Pa słovach advakata, Kazimirava bili, pakul vieźli ŭ adździeł milicyi i ŭ adździaleńni, a praz dva dni ŭziali piśmovuju zajavu, što jon nie maje nijakich pretenzij da supracoŭnikaŭ milicyi, i adpuścili. U vieraśni Kazimiraŭ pakinuŭ Biełaruś, a 14 studzienia 2021 hoda jaho zatrymali ŭ Rasii.