Italjanskija siabry Špakoŭskaha pachavali paplečnicu pad ściaham Treciaha Rejcha. Ciapier u ich prablemy
Italjanskaje vydańnie ROMA piša pra skandał, jaki adbyŭsia ŭ Rymie 10 studzienia. Kala carkvy Santa-Lučyja siabry ŭltrapravaj palityčnaj partyi Forza Nuova praviali cyrymoniju raźvitańnia ź siabram arhanizacyi, 44-hadovaj Alesijaj Aŭhieła.
Žycharoŭ susiednich damoŭ, čyje vokny vychodzili na pracesiju, šakavała, što padčas usioj cyrymonii truna niabožčycy była zahornuta ŭ nacyscki ściah Treciaha Rejcha sa svastykaj. Udzielniki cyrymonii pravodzili trunu ź ciełam nacysckim vitańniem.
My zabluryli nacyscki simvał. Fota: roma.corriere.it
Vatykan nazvaŭ padzieju abražalnaj i nieprymalnaj dla carkvy, a italjanskaja palicyja ŭstanaŭlivaje asob, jakija advažylisia karystacca simvolikaj Treciaha Rejchu ŭ centry stalicy.
Pramoha dačynieńnia da Biełarusi situacyja nie maje, ale niekatoryja rečy ŭsio ž vyrazna ilustruje.
U 2016-m u Biełaruś pryjazdžała delehacyja jeŭrapiejskich nieanacystaŭ, u składzie jakoj byŭ lidar Forza Nuova Rabierta Fiore.
Lidary italjanskich i brytanskich nieanacystaŭ naviedali Biełaruś, ich supravadžali Dziermant i Špakoŭski
Supravadžali jaho člen kanstytucyjnaj kamisii Alaksandr Špakoŭski, a taksama Alaksiej Dzierman i Juryj Šaŭcoŭ.
Lidar Forza Nuova Rabierta Fiore čaćviorty sprava
Aproč taho, dapuščalnym sustrecca ź Fiore paličyli Aleh Hajdukievič i Ihar Marzaluk. Pa čyim zaprašeńni nieanacysty pryjechali ŭ Biełaruś nie paviedamlałasia.