«Pahoniu», jakuju ŭ Viciebsku zdymali z budynka ŭ centry, viarnuli na miesca. Ale hierb pamienšyli FOTAFAKT
Śvietłavy korab z hierbam Viciebskaj vobłaści viarnuli na budynak u centry horada. Pahladzicie, jak jon źmianiŭsia.
Tak ciapier vyhladaje hierb. Fota «Narodnyja naviny Viciebska»
Pa niejkich pryčynach vyjavu samoha hierba — vieršnika i vianka z dubovaha liścia vakoł jaho — prykmietna źmienšyli. Akramia taho ciapier fon śvietłavoha ščyta źmianili z kantrasnaha biełaha koleru na zialony, pišuć «Narodnyja naviny Viciebska».
Heta adpaviadaje koleru ściaha Viciebskaj vobłaści, ale i biez padśviatleńnia vyjava ciapier čytajecca drenna, a z padśvietkaj i zusim budzie nahadvać znakamity abažur leninskaj lampy. Zatoje ciapier spałučeńnie koleraŭ ideałahična pravilnaje.
Tak było raniej. Fota «Narodnyja naviny Viciebska»