Pa «spravie Zielcera» buduć sudzić 66-hadovaha žychara Žodzina
Mužčynu vinavaciać u «raspalvańni sacyjalnaj varožaści i varažniečy pa prykmiecie inšaj sacyjalnaj prynaležnaści, a taksama publičnaj abrazie pradstaŭnika ŭłady ŭ suviazi z vykanańniem im słužbovych abaviazkaŭ». Jamu pahražaje da troch hadoŭ pazbaŭleńnia voli.
Prakuratura Minskaj vobłaści nakiravała spravu ŭ Minski abłasny sud.
Paviedamlajecca, što ŭ vieraśni i kastryčniku mužčyna pakidaŭ u sacsietcy «Adnakłaśniki» kamientaryi nakont supracoŭnika KDB, jaki zahinuŭ pry šturmie kvatery ajcišnika Andreja Zielcera ŭ Minsku.
«Hetyja vykazvańni skažali padziei i mieli na mecie raspalić varožaść pamiž asobnymi hrupami nasielnictva pa prafiesijnaj prynaležnaści, zaklikali da hvałtoŭnych dziejańniaŭ u dačynieńni da supracoŭnikaŭ Kamiteta», — zajaŭlajuć u Hienprakuratury.
Mužčyna znachodzicca pad vartaj.
Pieršy prysud pa «spravie Zielcera» byŭ vyniesieny dniami. Za kamientaryi ŭ sacsietkach mahloŭcu Alaksandru Haŭrylenku prysudzili dva hady kałonii i štraf u 3200 rubloŭ.