Rasijskaja bijatłanistka paskardziłasia na ježu na Alimpijadzie ŭ Piekinie
Alimpijski čempijon, jaki žyvie ŭ Minsku i topić za Łukašenku, pryhraziŭ «adrezać joj jazyk».
Valeryja Vaśniacova, jakaja atrymała stanoŭčy vynik testa na karanavirus, pakazała, čym charčujecca na karancinie.
«Hetym mianie kormiać na śniadanak, abied i viačeru ŭžo piać dzion. Ja vielmi mocna schudnieła, i ŭ mianie ŭžo tyrčać kości.
U mianie balić straŭnik, ja vielmi blednaja, i ŭ mianie vializnyja čornyja kruhi pad vačyma. Ja chaču, kab usio heta skončyłasia. Ja vielmi mocna stamiłasia», — napisała Vaśniacova.
Jaje raskrytykavaŭ čatyrochrazovy alimpijski čempijon Alaksandr Cichanaŭ.
«Ja b Vaśniacovaj jazyk adrezaŭ za takija skarhi. My ŭ 80-m hodzie žyli ŭ Amierycy jak u turmie, i nichto nie skardziŭsia! A jana siadzić i svaimi saplami padymaje chvalavańni ŭ kalektyvie. Treba raźbiracca ŭnutry kamandy, a nie nyć u internecie!» — vykazaŭsia Cichanaŭ.
Cichanaŭ bolš za dziesiać hadoŭ žyvie ŭ Minsku. Padčas pratestaŭ jon rekamiendavaŭ «łupić pratestoŭcaŭ, jak sabak» i davać im pa 15 hadoŭ turmy.