Jak mahli adpuścić Vasileviča, kali jamu dali try hady?
Rekłamščyku i zasnavalniku Kyky.org i biełaruskaha The Village Alaksandru Vasileviču sud daŭ try hady kałonii ahulnaha režymu, adnak jaho vyzvalili prosta ŭ zale suda. Čamu tak adbyłosia?
Vasilevič adsiadzieŭ u SIZA 1,5 hoda ŭ pieraliku na dni kałonii (1,5 dnia SIZA roŭnyja dniu kałonii) heta krychu bolš za 2 hady. Takim čynam palitviazień pavinien byŭ pravieści ŭ kałonii jašče kala hoda. Čamu ž jaho vyzvalili?
Pieršapačatkova Alaksandra Vasileviča vinavacili pa č. 2 art. 243 Kryminalnaha kodeksa «Uchileńnie ad upłaty sum padatkaŭ i zboraŭ».
Adnak u sudzie abvinavačvańnie pierakvalifikavali na pieršuju častku hetaha ž artykuła. Jana ličycca mienš ciažkaj, pa joj jość «termin daŭniny» — heta 5 hod.
To-bok, kali ździejśnienaje złačynstva pa č. 1 art. 243, to čałavieka mohuć pryciahnuć da adkaznaści tolki na praciahu piaci hod z momantu ździajśnieńnia.
Adnak u zakonie skazana pra toje, što asoba ŭ takim vypadku nie moža pryciahvacca da kryminalnaj adkaznaści. Na jakoj padstavie sud pryznačyŭ Vasileviču 3 hady kałonii, niezrazumieła.
Matyvacyju suda i inšyja abstaviny spravy, na žal, my nie daviedajemsia. Tamu što sud nad Vasilevičam prachodziŭ u zakrytym režymie.