Deutsche Welle zakryvaje biuro ŭ Maskvie
Napiaredadni kanał atrymaŭ pradpisańnie zakryć maskoŭskaje biuro da 9:00 u piatnicu. U hety ž dzień žurnalisty Deutsche Welle, jakija pracujuć u Rasii, pavinny zdać svaje akredytacyi.
Maskoŭskaje biuro niamieckaha telekanała Deutsche Welle zakryłasia paśla pastanovy rasijskich uładaŭ spynić jaho viaščańnie, havorycca na sajcie kanała.
Paźniej u piatnicu buduć adklikanyja akredytacyi žurnalistaŭ, udakładniajecca ŭ paviedamleńni.
Biuro atrymała apaviaščeńnie ab zakryćci napiareddadni, jamu było zahadana spynić pracu da 9:00 4 lutaha. «My ŭzrušanyja. Dla ŭsich nas tut hetaja navina vielmi asabistaja <…>», — zajaviŭ kiraŭnik maskoŭskaha ofisa Deutsche Welle Juryj Rešata.
Uviečary ŭ čaćvier žurnalistam Deutsche Welle zakryli dopusk u Dziarždumu pa daručeńni jaje staršyni Viačasłava Vałodzina.
Hienieralny dyrektar telekanała Pieter Limbur nazvaŭ pastanovu rasijskich uładaŭ niezrazumiełaj i praźmiernaj mieraj. «My aficyjna pratestujem suprać hetaj absurdnaj reakcyi rasijskaha ŭrada i prymiem jurydyčnyja dziejańni, kab asprečyć abvieščanyja miery», — zajaviŭ jon.