Va Ušačach viaskoŭca asudzili za ściah na padvorku
Sud Ušackaha rajona 28 studzienia razhladzieŭ spravu pa art. 24.23 KaAP suprać žychara vioski Čarśćviady. Pavodle pratakoła, mužčyna «ŭ dvary svajho doma vyviesiŭ BČB-ściah, čym pravioŭ niesankcyjanavanaje pikietavańnie», piša «Viasna».
Fota ilustracyjnaje.
Sudzili mužčynu pa skajpu. Jon rastłumačyŭ, što ŭvosień minułaha hoda samastojna z padručnych pradmietaŭ vyrabiŭ biełaruski ściah pamieram 30 na 60 santymietraŭ i prymacavaŭ jaho da draŭlanaj žerdki daŭžynioj kala troch mietraŭ. Hetuju žerdku jon pryviazaŭ da stvała dreva.
Mužčyna paćvierdziŭ, što ściah byŭ vidać z darohi.
Sud pakaraŭ viaskoŭca 15-sutačnym aryštam.