Viciebsk. Surhan
chronika apazicyi
Sud Čyhunačnaha rajonu Viciebsku aštrafavaŭ Tarasa Surhana, jaki ŭ Dzień salidarnaści 16‑ha lipienia sprabavaŭ vyviesić bieł‑čyrvona‑bieły ściah na moście praz Zachodniuju Dźvinu.
Prysudziŭšy štraf pamieram 5 bazavych vieličyń, što składaje 175 tysiač rubloŭ, sudździa Čyhunačnaha rajsudu Ŭładzisłaŭ Šykaroŭ kiravaŭsia milicejskim pratakołam, składzienym na Tarasa Surhana. U pratakole było zapisana, što chłopiec pravodziŭ niesankcyjanavany pikiet. Z takoj farmuloŭkaj padsudny nie pahadziŭsia: u sudzie jon zajaviŭ, što svoj učynak pikietam nia ličyć, ale ździejśniŭ jaho śviadoma.
«Ja chacieŭ źviarnuć uvahu ludziej na našu historyju, jakuju niekatoryja imknucca zabyć i navat zabić. Kab jany pryhadali, što taja staraja kamunistyčnaja symbolika, jakaja ciapier jość dziaržaŭnaj, ni da čoha dobraha nie davodziła krainu i nie daviadzie. Ja chacieŭ, kab ludzi na ŭsio heta źviartali ŭvahu i nie byli zvyčajnymi abyvacielami».