Haspadar «milicejskaha» katedžu patrabuje viarnuć jahony dom
U dačnym pasiołku «Kryničny» MUS Respubliki Biełaruś, jaki znachodzicca niepadalok ad Zasłaŭskaha vadaschovišča, razhareŭsia novy skandał.
U dačnym pasiołku «Kryničny» MUS Respubliki Biełaruś, jaki znachodzicca niepadalok ad Zasłaŭskaha vadaschovišča, razhareŭsia novy skandał.
Adzin z «karupcyjanieraŭ», čyje proźviščy Alaksandr Łukašenka ahučyŭ padčas našumiełaha pasiadžeńnia ŭ listapadzie 2008 h., zajaviŭ, što maje namier zmahacca za svaju pryvatnuju ŭłasnaść.
Zhodna z rasparadžeńniem uładaŭ, u dom Novika taksama pavinny pierajechać dzieci‑siroty. Ale Novik — adziny, jaki navažyŭsia abskardzić rašeńnie ab pieradačy jaho doma ŭ kamunalnuju ŭłasnaść.
«Ja maju namier prajści ŭsie sudovyja instancyi, — kaža Novik.
— Reč u tym, što nas z synam pamyłkova ŭklučyli ŭ śpis asobaŭ, jakim byli dadzienyja nadzieły pad budaŭnictva ź ziemlaŭ tyłu MUS».
Ziamielny nadzieł byŭ vydzieleny siamji Ryhora Novika Minskim rajvykankamam u 2002 h. Dom mužčyna budavaŭ razam z synam. U 2005 hodzie dom byŭ zarehistravany ŭ BTI, byŭ atrymany techpašpart, a nadzieł vykupleny ŭ adpaviednaści z kadastravym koštam.
«U 2007 h. była praviedzienaja surjoznaja pravierka na pradmiet usialakich parušeńniaŭ, inicyjavanaja pa daručeńni kiraŭnika dziaržavy, — raspaviadaje Ryhor Novik. —
U rašeńni Minabłvykankama, jakoje było składziena pavodle jaje vynikaŭ i padpisanaje staršyniom Leanidam Krupcom, napisana, što nijakaj našaj viny ŭ atrymańni ziamielnaha nadziełu i budaŭnictvie domu niama».
Pavodle słovaŭ haspadara domu, jaho razam z synam pamyłkova ŭklučyli ŭ rejestr proźviščaŭ supracoŭnikaŭ MUS, jakim byli vydzielenyja ziamielnyja nadzieli na terytoryi byłoj letniaj dačy dziciačaha sadku №447, a ŭ dalejšym — ziemlaŭ tyłu MUS.
«Naš nadzieł adasobleny, znachodzicca pryblizna z kiłamietr ad terytoryi byłoha dziciačaha sadka MUS i nikoli navat nie hraničyŭ ź ziemlami tyłu MUS, jak paznačana ŭ sudovych pastanovach, ‑‑ kaža Ryhor Novik. ‑‑ Našu pravatu, darečy, paćviardžajuć i dakumienty, jakija my niadaŭna zdoleli atrymać u UP «Minskaja lesaparkavaja haspadarka» i inšych instancyjach.
Ryhor Novik ličyć, što moh trapić u «śpis niaŭhodnych» u źviazku z kułuarnymi intryhami.
«U svoj čas u peŭnych kołach chtości zapuściŭ čutku pra toje, što ja, pracujučy daradcam staršyni abłvykankamu, byccam by arhanizoŭvaŭ prafiesijnuju sočku za staršyniom Kamiteta dziaržkantrolu Zianonam Łomaciem, — kaža Ryhor Novik. — Hetyja razmovy, nakolki mnie viadoma, dajšli i da samoha Łomacia. Ja cudoŭna razumieju, čym pahražaje padobnaja dziejnaść — pa sutnaści mianie abvinavačvali ŭ padrychtoŭcy złačynstva suprać vyšejšaj słužbovaj asoby. Ja chacieŭ navat parazmaŭlać z Łomaciem, ź jakim, darečy, na toj momant navat nie byŭ znajomy. U suviazi z hetym ja napisaŭ zajavu ŭ Radu biaśpieki i Hienprakuraturu pra toje, što mianie faktyčna abvinavačvać u ździajśnieńni surjoznaha złačynstva. I kali zaŭtra ź im što‑niebudź zdarycca, to mianie pieršaha buduć padazravać. Nakiravaŭ dakumienty, a litaralna praz paru dzion daviedvajusia, što Łomacia źbili ŭ adnym z hatelaŭ Mahilova! Kali ščyra, ja dumaŭ, što pa mianie ŭ toj samy dzień pryjduć z kajdankami».
Haspadar domu taksama nie vyklučaje, što da kanfiskacyi majuć dačynieńnie čynoŭniki z administracyi Łukašenka.
«Ja nie mahu śćviardžać, ale nie vyklučaju, što adbirańnie majho ziamielnaha nadziełu — śledstva niejkich niezrazumiełych kułuarnych intryh, — zajaŭlaje jon. — Mnie zdajecca, da hetaj historyi majuć dačynieńnie i niekatoryja ciapierašnija vysokija čynoŭniki z administracyi Łukašenki, jakija trymajuć na kantroli spravu ab milicejskich katedžach i vykazvajuć da jaje pavyšanuju cikavaść. Bo, jašče raz paŭtaraju, u nas usio było zroblena pavodle zakonu, usio ŭsiudy było ŭzhodniena i dazvolena, usie rašeńni prymalisia z dakładnym vykanańniem dziejsnaha zakanadaŭstva».
Novik zajaŭlaje, što na siońnia dźviery jahonaha katedžu apiačatanyja. Jon da hetaha času zhadvaje padrabiaznaści vysialeńnia jahonaj siamji z domu.
«Da hetaha času nie mahu zabyć, jak nas adsiul vysialali, — raspaviadaje mužčyna. — Tak, napeŭna, niemcy padčas vajny siabie nie pavodzili. My z žonkaj. Siamja dački i siamja syna žyli tut bolš za try hady — kvatery ŭ horadzie ŭ mianie niama i nikoli nie było. Da hetaha času ja mieŭ patrebu ŭ žytle. U adzin z sakavickich viečaroŭ, kali na vulicy była jašče minusavaja tempieratura, pa rašeńni Minskaha rajvykankamu nam adklučyli elektryčnaść i hazabieśpiačeńnie, a dom apiačatali i ŭziali pad achovu… A ŭsich nas prosta vykinuli na vulicu. My z žonkaj zaraz vymušanyja žyć to ŭ dziaciej, to ŭ znajomych».
Ryhor Novik napisaŭ šmat zvarotaŭ va ŭsiomahčymyja instancyi, adnak adkazu pakul nie atrymaŭ.
«Niekatoryja mnie adkryta kažuć: maŭlaŭ, praŭda na tvaim baku, ale, stary, ty ž samy usio razumieješ…»,— havoryć jon.
Ryhor Novik naradziŭsia ŭ 1954 hodzie. U 1998 hodzie ŭznačalvaŭ mižviedamstviennuju apieratyŭnuju hrupu pa baraćbie ź cieniavymi valutnymi «apieratarami». Zajmaŭ pasadu namieśnika načalnika apieratyŭnaha ŭpraŭleńnia DKFR Biełarusi, pracavaŭ načalnikam apieratyŭnaha pošuku pry DKFR, načalnikam DKFR pa Minsku i Minskaj vobłaści, načalnikam upraŭleńnia DFR KHK Respubliki Biełaruś pa Minsku i Minskaj vobłaści.
Zvoliŭsia pa vysłuzie hadoŭ i stanu zdaroŭja 20 śniežnia 2002 hodu. Z 16 studzienia 2003 hodu pa 15 sakavika 2007 hodu pracavaŭ hałoŭnym daradcam staršyni Minskaha abłasnoha vykankama.
Nahadajem, što ŭ na naradzie pa pytańniach baraćby z karupcyjaj Alaksandr Łukašenka zajaviŭ, što vysokapastaŭlenyja supracoŭniki MUS, vykarystoŭvajučy słužbovaje stanovišča, zachapili ziamielnyja nadzieły ŭ Minskim rajonie. Pa słovach Łukašenki, 10 čałaviek, siarod jakich byli dva namieśniki ministra ŭnutranych spraŭ, pieratvaryli ŭ pryvatny katedžny pasiołak terytoryju letniaj dačy padviedamstviennaha dziciačaha sadku. Nadzieły rynkavym koštam u sotni tysiač dołaraŭ dastalisia novym haspadaram faktyčna «za kapiejki».
Praź niejki čas tyja, chto zaśviaciŭsia ŭ katedžnym skandale, byli źniatyja z svaich pasadaŭ.
Ryhor Novik źbirajecca zmahacca.
Katedž Ryhora Novika.
Na schiemie pasiołka «Kryničny» MUS Biełarusi z nadziełami miežaŭ
ziemlaŭ dobra bačna, što dom Novika znachodzicca na ŭskrai pasiołka,
a nie pobač sa skandalnymi katedžami.
U pasiołku žyvuć usio ludzi ź viadomymi proźviščami.