A horad padumaŭ: charvaty latuć
Načnyja trenirovačnyja paloty ŭ 50‑j źmiašanaj avijabazie vyklikali niespakoj žycharoŭ stalicy
Minułaj nočču niespakoj minčan vyklikali intensiŭnyja paloty nad horadam niekalkich samalotaŭ, što dastatkova niezvyčajna dla stalicy.
Jak paviedamili BiełaPAN u Hałoŭnym štabie VPS i vojskaŭ SPA Biełarusi, aktyŭny pavietrany ruch nad Minskam vajenna‑transpartnych Ił‑76 i An‑26 byŭ vyklikany praviadzieńniem płanavych načnych trenirovačnych palotaŭ samalotaŭ 50‑j źmiašanaj avijacyjnaj bazy, što dysłakujecca ŭ Mačuliščach (Minski rajon).
Praŭda, karektyvy ŭ hetyja paloty ŭniesła nadvorje, z‑za jakoha byli źmienieny napramki ŭźlotu i pasadki pavietranych sudnaŭ. Zvyčajna paloty arhanizujucca ŭ baku ad stalicy.