Karelicki błakbaster: 260 epizodaŭ kradziažu
Piaciora supracoŭnikaŭ karelickaha «Charčhandlu» asudžanyja za bujny kradziež.
Piaciora supracoŭnikaŭ karelickaha «Charčhandlu» asudžanyja za bujny kradziež.
Padčas rasśledavańnia pa spravie ŭstanoŭlena, što ŭ śniežni 2004 h. buchhałtar PHUP «Karelicki charčhandal», apieratar EVM i kasir hetaha pradpryjemstva, a taksama zahadčyca i dvoje pradaŭcoŭ kramy «Hastranom» u Kareličach arhanizavali ŭstojlivuju złačynnuju hrupu ŭ metach ździajśnieńnia kradziažu.
U pieryjad ad 2004 h. da traŭnia 2008 h. jany skrali hrošaj i tavaraŭ na sumu amal 155 miljonaŭ rubloŭ.
Śledstva kvalifikavała ich dziejańni pavodle č. 4 art. 210 KK (kradziež šlacham złoŭžyvańnia słužbovymi paŭnamoctvami, ździejśnieny arhanizavanaj hrupaj, u asabliva bujnym pamiery).
Paśla rasśledavańnia dokazaŭ pavodle 260 epizodaŭ kradziažu dziaržabvinavaŭca prapanavaŭ pryznačyć pakarańnie ad 5 da 9 hadoŭ źniavoleńnia.
Pavodle rašeńnia sudu dvoje kiraŭnikoŭ arhanizavany hrupy asudžany na 9 hadoŭ pazbaŭleńnia svabody z kanfiskacyjaj majomaści, zahadčyca i dvoje pradaŭcoŭ kramy — da 5 hadoŭ pazbaŭleńnia voli z kanfiskacyjaj. Prysud ustupiŭ u siłu.