U Vilni pierapachavajuć Radziviłaŭ
Siarod ich pareštki Mikałaja Radziviła Čornaha i Mikałaja Radziviła Rudoha dy jašče šaści čałaviek.
Z 3 pa 5 vieraśnia projdzie cyrymonija raźvitańnia z pareštkami pradstaŭnikoŭ kniaskaha rodu Radziviłaŭ i cyrymonija ich pierapachavańnia.
Cyrymonija raźvitańnia projdzie ŭ Vilni ŭ Pałacy Radziviłaŭ (vuł. Vilniaus, 22). 5 vieraśnia adbudziecca pierapachavańnie pareštkaŭ na Dubinhiajskim haradziščy. Uračystaje pierapachavańnie — častka prahramy śviatkavańnia 1000‑hodździa Litvy.
Pareštki vaśmi pradstaŭnikoŭ rodu Radźviłaŭ byli znojdzienyja na Dubinhiajskim haradziščy ŭ 2004 h. i ich udałosia identyfikavać.
Siarod ich — kancler VKŁ, vilenski vajavoda Mikałaj Radzivił Čorny i jaho žonka Lizavieta; kancler VKŁ, vilenski vajavoda Mikałaj Radzivił Rudy, jaho syn Mikałaj Radzivił (1546-1589), Mikałaj Radzivił - unuk M. Radźviła Rudoha, Januš Radzivił (1579-1620).