Łatvija vymušana amnistuje źniavolenych
1 500 viaźniaŭ łatvijskich turmaŭ, chutčej za ŭsio, chutka mohuć vyjści na volu.
Ź vieraśnia 2009 hoda ŭ biudžecie krainy paprostu nie zastajecca srodkaŭ na apłatu kamunalnych płaciažoŭ turmaŭ, charčavańnie i inšyja štodzionnyja patreby. Mienavita nieabchodnaściu zekanomić 6 miljonaŭ łataŭ tłumačyć uradavuju ideju začynić 3 turmy načalnik upraŭleńnia miestaŭ źniavoleńnia Łatvii Visvalids Pukite ŭ interv́ju Latvijas Avīze.
«Tolki ŭ bližejšy čas na ŭtrymańnie turmaŭ spatrebicca 3 miljony łataŭ, adnak vielmi sumnieŭna, što va ŭrada znojducca takija hrošy. U takim vypadku prablemy buduć vielmi surjeznyja»,‑‑ adznačyŭ čynoŭnik.
Pavodle łatvijskich ŚMI, jašče ŭ pačatku leta ŭ turmach Łatvii byli adznačany chvalavańni z‑za paharšeńnia ŭmovaŭ utrymańnia. Tady źniavolanyja skardzilisia na źmianšeńnie porcyj i paharšeńnia jakaści charčavańnia.