Prakuratura: Kostkam, znojdzienym u sabory Hłybokaha, nie mienš za 100 hod
Kančatkovyja vysnovy ekśpiertyzy stanuć viadomyja na nastupnym tydni.
Zaklučeńnie sudova‑miedycynskaj ekśpiertyzy pareštkaŭ čałaviečych kostak, jakija byli znojdzienyja ŭ padvale sabora Rastva Baharodzicy ŭ Hłybokim, budzie hatova na nastupnym tydni, paviedamili ahienctvu «Interfaks‑Zachad» u Viciebskaj abłasnoj prakuratury.
U prakuratury adznačyli, što «rabić kančatkovyja vysnovy možna budzie tolki paśla vysnovaŭ ekśpiertaŭ,
ale ŭžo zaraz možna śćviardžać, što hetym astankam nie mienš za 100 hadoŭ».
Nastajaciel carkvy Siarhiej Hramyka śćviardžaje, što heta, najchutčej, pareštki manachaŭ, a pachavańnie adnosicca da 1878 hodu.
***
Nahadajem, što na pareštki natrapili ŭdzielniki letnika, ładžanaha Abjadnańniem moładzi Biełaruskaj pravasłaŭnaj carkvy.
Tady adrazu vykazvacca dyjamietralnyja mierkavańni na pradmiet pachodžańnia kostak: što heta achviary savieckich rasstrełaŭ 1939—1941 hh. i što heta achviary nacystaŭ.
fota Julii Daraškievič.