Viarchoŭny sud admoviŭ u rehistracyi «Našaj Viaśnie»
Sudździa Cierach spasłaŭsia na toje, što ŭ padadzienym na rehistracyju śpisie pra čatyroch z 71 zasnavalnikaŭ abjadnańnia paznačanyja niedakładnyja źviestki.
Siońnia Viarchoŭny sud vynies rašeńnie pa skarzie Alesia Bialackaha, Uładzimira Łabkoviča i Valancina Stefanoviča na admovu Ministerstva justycyi ŭ rehistracyi hramadskaha pravaabarončaha abjadnańnia «Naša Viasna». Sud admoviŭ u zadavalnieńni skarhi.
Sudździa Cierach spasłaŭsia na toje, što ŭ padadzienym na rehistracyju śpisie pra čatyroch z 71 zasnavalnikaŭ abjadnańnia paznačanyja niedakładnyja źviestki. Taksama sud paličyŭ, što harantyjny list adnosna jurydyčnaha adrasu nielha pryznać jurydyčna značnym.
Pravaabaronca Valancin Stefanovič skazaŭ, što hetaje rašeńnie dziela pracedury budzie abskardžana pa nahladu na imia staršyni Viarchoŭnaha suda. Taksama budzie nakiravana skarha ŭ Kamitet AAN pa pravach čałavieka, u jakoj buduć abjadnanyja ŭsie try admovy ŭ rehistracyi abjadnańnia. Pavodle spadara Stefanoviča, heta budzie matyvavana parušeńniem z boku ŭładaŭ Biełarusi Pakta ab hramadzianskich i palityčnych pravach i dyskryminacyjaj adnosna pravaabaroncaŭ.
Valancin Stefanovič zajaviŭ, što dziejnaść ad imia «Viasny» praciahniecca.
Taksama ŭ Viarchoŭny sud nakiravana skarha zasnavalnikaŭ «Brecskaj Viasny» na admovu Hałoŭnaha ŭpraŭleńnia justycyi Bresckaha abłvykankama ŭ rehistracyi hramadskaha abjadnańnia razam z kasacyjnaj skarhaj na rašeńnie abłasnoha sudu. Razhlad spravy pryznačany na 3 vieraśnia.