Rasijanin chacieŭ zrabić ź biełarusak niamieckich prastytutak
Supracoŭnikami staličnaj milicyi zatrymany hramadzianin Rasijskaj Federacyi, jaki vierbavaŭ biełarusak dla seksualnaha rabstva ŭ Niamieččynie.
Supracoŭnikami staličnaj milicyi zatrymany hramadzianin Rasijskaj Federacyi, jaki vierbavaŭ biełarusak dla seksualnaha rabstva ŭ Niamieččynie.
Jak paviedamiła pres‑słužba minskaha HUUS, 11 žniŭnia padčas śpiecapieracyi pa likvidacyi kanała handlu ludźmi byŭ zatrymany 28‑hadovy žychar Rasii. Ustanoŭlena, što jon, znachodziačysia ŭ Minsku 10‑11 žniŭnia, zavierbavaŭ troch minčanak dla zaniatkaŭ prastytucyjaj u nielehalnych bardelach Niamieččyny. Zatrymańnie pravodziłasia ŭ budynku nacyjanalnaha aeraporta «Minsk» padčas niepasrednaj sproby vyvazu dziaŭčat za miežy krainy.
Źviestki pra toje, što zamiežny hramadzianin źbirajecca arhanizavać kanał vyvazu biełaruskich žančyn dla zaniatku prastytucyjaj na terytoryju Zachodniaj Jeŭropy, pastupili bolš za miesiac tamu. Na praciahu ŭsiaho hetaha času supracoŭniku milicyi raspracoŭvali dadzienuju infarmacyju, u vyniku čaho i stała mahčymym zatrymańnie viarboŭščyka na miescy złačynstva.
Zatrymany źmieščany ŭ izalatar časovaha ŭtrymańnia. Śledčym adździełam papiaredniaha rasśledavańnia Frunzienskaha RAUS zaviedzienaja kryminalnaja sprava pavodle artykuła 171 Kryminalnaha kodeksu RB (Vykarystańnie zaniatkaŭ prastytucyjaj ci stvareńnie ŭmoŭ dla zaniatkaŭ prastytucyjaj). Viarboŭščyku pahražaje ad 7 da 10 hadoŭ pazbaŭleńnia voli z kanfiskacyjaj majomaści.