Michaił Cyhan padazrajecca ŭ atrymańni chabaru
Hienieralny prakuror Ryhor Vasilevič raspačaŭ pavodle materyjałaŭ MUS kryminalnuju spravu.
Michaił Cyhan, fota Salidarnaści
Hienieralny prakuror Ryhor Vasilevič raspačaŭ pavodle materyjałaŭ MUS kryminalnuju spravu za ŭčynieńnie złačynstvaŭ, źviazanych z atrymańniem chabaru i złoŭžyvańniem słužbovymi paŭnamoctvami asobaj, jakaja zajmaje adkaznuju pasadu, u dačynieńni da kiraŭnika administracyi Kastryčnickaha rajona Minska Michaiła Cyhana.
Jak paviedamiła ŭpraŭleńnie infarmacyi i hramadskich suviaziaŭ MUS, čynoŭniku inkryminujecca ŭčynieńnie złačynstvaŭ, praduhledžanych č. 3 art. 430 i č. 3 art. 424 KK. Michaił Cyhan byŭ zatrymany 6 žniŭnia. Na nastupny dzień jamu była abrana miera strymańnia ŭ vyhladzie zaklučeńnia pad vartu. Abvinavačańnie słužbovaj asobie pavinna być vystaŭlena da 17 žniŭnia.
Rasśledavańnie kryminalnaj spravy daručana hałoŭnamu śledčamu ŭpraŭleńniu papiaredniaha rasśledavańnia MUS.
Administracyju Kastryčnickaha rajona Minska Michaił Cyhan uznačalvaŭ na praciahu čatyroch hadoŭ. Zhodu na jaho pryznačeńnie na hetuju pasadu Alaksandr Łukašenka daŭ 17 žniŭnia 2005 hoda.