Zialenski — Džonsanu: Nastupnyja 24 hadziny buduć vyrašalnyja dla Ukrainy
Uviečary 27 lutaha prezident Ukrainy i premjer-ministr Brytanii praviali telefonnuju razmovu, padčas jakoj Zialenski skazaŭ Džonsanu, što nastupnyja 24 hadziny buduć vyrašalnymi dla Ukrainy.
Fota: president.gov.ua
«Pahavaryŭ z premjer-ministram Vialikabrytanii Borysam Džonsanam i prezidentam Polščy Andžejem Dudam ab aktualnaj situacyi biaśpieki. Uzhadnili dalejšyja sumiesnyja kroki pa supraćdziejańni ahresaru. Antyvajennaja kaalicyja ŭ dziejańni!» — cytuje pres-słužba ŭkrainskaha lidara jaho słovy.
«Prezident Zialenski skazaŭ, što ličyć, što nastupnyja 24 hadziny buduć vyrašalnymi dla Ukrainy, i premjer-ministr zajaviŭ, što zrobić usio mahčymaje, kab zabiaśpiečyć Ukrainie abarončuju dapamohu z boku Vialikabrytanii i sajuźnikaŭ», — pryvodziacca słovy brytanskaha premjera.
Džonsan nazvaŭ supraciŭ ukrainskaha naroda hieraičnym.
Taksama lidary Ukrainy i Brytanii damovilisia ab dalejšych ciesnych kantaktach, i Džonsan čarhovy raz paćvierdziŭ ćviorduju padtrymku Vialikabrytanijaj suvierenitetu Ukrainy.