Facebook i Twitter abjavili ab błakiroŭcy źviazanych z Rasijaj i Biełaruśsiu sietak botaŭ z «antyŭkrainskaj prapahandaj»
Pa źviestkach sacsietak, jany raspaŭsiudžvali, naprykład, artykuł «Zialenski stvaraje nieanacysckuju dyktaturu va Ukrainie».
Adna z «apieracyj pa schavanym upłyvie» prasoŭvała artykuły z sajtaŭ News Front i South Front, jakija ŭrad ZŠA źviazvaje z rasijskaj raźviedkaj. Fejkavyja kałumnisty, jakich pradstaŭlali jak žurnalistaŭ u Kijevie, napisali takija teksty jak «Zialenski stvaraje nieanacysckuju dyktaturu va Ukrainie» i «Čamu Ukrainie budzie tolki horš».
U sacyjalnych sietkach antyŭkrainskija tezy raspaŭsiudžvali sietki robataŭ. Jany dziejničali ŭ Tvitary, Instahramie, Telehramie i rasijskich sacyjalnych sietkach.
Meta vydaliła 40 takich profilaŭ u Fejsbuku i bolš za dziasiatak likvidavali ŭ Tvitary.