Suprać Paliny Šarendy-Panasiuk zaviali novuju spravu za złosnaje niepadparadkavańnie administracyi turmy
Andrej Šarenda ŭ Fejsbuku paviedamiŭ, što na Palinu Šarendu-Panasiuk zaviali kryminalnuju spravu pa č. 2 art. 411 KK (złosnaje niepadparadkavańnie patrabavańniam administracyi papraŭčaj ustanovy). Joj pahražaje da dvuch hadoŭ źniavoleńnia.
«Na Palinu zaviedzienaja novaja kryminalnaja sprava. Heta sumna viadomy art. 411 KK RB, toj samy artykuł, pa jakim viaźnia za kratami možna trymać biaskonca doŭha… Adkaznym za čarhovy cisk na Palinu źjazŭlajecca načalnik homielskaj kałonii, padpałkoŭnik Taŭściankoŭ Dzianis Anatolevič», — napisaŭ muž Paliny.
Nahadajem, maci dvuch niepaŭnaletnich synoŭ u červieni asudzili da 2 hadoŭ kałonii ahulnaha režymu. Palinu vinavacili pa šerahu artykułaŭ Kryminalnaha kodeksu: art. 364, art. 368 i art. 369. U kancy 2021 hoda Palinu ŭtrymlivali minimum 15 dzion u karcary, a potym źmiaścili ŭ PKT da 18 sakavika.
Padtrymajcie Palinu: PK №4, 246035, h. Homiel, vuł. Antoškina, 3