Nacbank niečakana rezka ŭźniaŭ staŭku refinansavańnia
Nacyjanalny bank pavysiŭ staŭku refinansavańnia da 12%. Staŭka pa kredycie aviernajt — da 13%, staŭka pa depazicie aviernajt — da 11%.
Pryniataje rašeńnie nakiravanaje Nacbankam na padtrymańnie finansavaj stabilnaści i abmiežavańnie inflacyi, «ryzyki paskareńnia jakoj uzraśli na fonie rezkaha abvastreńnia hieapalityčnaj situacyi i pryniatych šeraham zachodnich krain sankcyj u dačynieńni da Rasii — asnoŭnaha ekanamičnaha partniora Respubliki Biełaruś», tłumačyć hałoŭnaja finansavaja ŭstanova krainy.
«U dalejšym Nacbank praciahnie prymać nieabchodnyja miery pa zabieśpiačeńni finansavaj i cenavaj stabilnaści z ulikam raźvićcia źniešniepalityčnaj situacyi, abapirajučysia na bieśpierapynny manitorynh tendencyj na valutnym i depazitnym rynkach i acenku inflacyjnych ryzyk», — havorycca ŭ paviedamleńni.
Pierad hetym staŭka refinansavańnia składała 9,25%.
Staŭka refinansavańnia źjaŭlajecca bazavym instrumientam rehulavańnia ŭzroŭniu pracentnych stavak na hrašovym rynku. Jana, naprykład, słužyć asnovaj dla pracentnych stavak pa apieracyjach, što pradastaŭlajucca bankam. Staŭka refinansavańnia ŭstanaŭlivajecca Nacbankam.
Minimalnaja staŭka refinansavańnia za ŭsie časy niezaležnaści była 7,75%. Jana była ŭstanoŭlenaja 1 lipienia 2020 hoda. 14 krasavika 2021 hoda jana była pavyšanaja da 8,5 pracenta, a 21 lipienia 2021 hoda vyrasła da 9,25%.