Ukrainskaja raźviedka: Pucin rychtuje terakt na Čarnobylskaj AES, kab abvinavacić Ukrainu
Pavodle źviestak ukrainskaj raźviedki, Uładzimir Pucin addaŭ zahad ab padrychtoŭcy terakta na Čarnobylskaj atamnaj stancyi, adkaznaść za jakuju «prypišuć» Ukrainie, piša UNIAN.
Fota: UNIAN
Dla imitacyi datyčnaści ŭkrainskich vajskoŭcaŭ da katastrofy na ČAES akupanty sprabujuć stvaryć fejkavyja «dovady», kab paćvierdzić svaju viersiju. U pryvatnaści, u rajonie aeraporta Antonava ŭ Hastomieli zaŭvažyli rasijskija aŭtarefryžieratary, jakija źbirali cieły zahinułych ukrainskich bajcoŭ. Jość vierahodnaść, što ich vydaduć za zabitych dyviersantaŭ u zonie ČAES.
Pavodle raźviedki, Pucin hatovy źviarnucca da jadziernaha šantažu suśvietnaj supolnaści z-za padtrymki Ukrainy.
U ciapierašni momant ČAES całkam adklučanaja ad sistem manitorynhu Mižnarodnaha ahienctva pa atamnaj enierhii (MAHATE).