ZŠA zabaroniać impart ałkaholu i morapraduktaŭ z Rasii
Złučanyja Štaty Amieryki siońnia pašyrać sankcyi suprać Rasii. Čakajecca zabarona na impart ałkaholu i morapraduktaŭ.
Pa słovach abaznanych krynic, ZŠA zabaroniać impart rasijskaha ałkaholu i morapraduktaŭ.
Čakajecca, što prezident Džo Bajden siońnia źbirajecca padrabiazna vykłaści sutnaść novych sankcyj i vystupić za spynieńnie handlovych stasunkaŭ z Rasijaj. Bieły dom admoviŭsia ad aficyjnych kamientaryjeŭ.
Pa danych CNBC, pazbaŭleńnie Rasii statusu «samaj spryjalnaj nacyi» aznačaje toje, što Kanhres zmoža ŭvieści abmiežavańni na ŭsie tavary rasijskaha pachodžańnia, u tym liku na harełku, ikru, fanieru i inš.
Adznačym, letaś rasijski ekspart u ZŠA skłaŭ 29 młrd dalaraŭ, 60% prypadała na naftahazavyja pradukty.