Viadomy amierykanski ajcišnik zaklikaŭ nie ckavać biełarusaŭ za vajnu ŭ Ukrainie
Zasnavalnik i dyrektar amierykanskaj IT-kampanii Corevist Sem Bajer napisaŭ post u sietcy LinkedIn, u jakim zaklikaŭ nie vinavacić biełarusaŭ za vajnu va Ukrainie.
Sem Bajer (druhi źleva) z kalehami. Fota: corevist.com
«Kali łaska, nie abvinavačvajcie biełarusaŭ za źvierstvy, jakija adbyvajucca va Ukrainie. Jany taksama achviary. Corevist padtrymlivaje ŭsich našych biełaruskich kalehaŭ u ich pošukach prytułku.
Kali łaska, akažycie im haścinnaść, jakuju jany zasłuhoŭvajuć. Jany biahuć u Polšču i Hruziju i dałučajucca da našaha płaču pa pralitaj kryvi va Ukrainie, — napisaŭ Bajer.
Za tydzień post sabraŭ amal 2800 łajkaŭ. U Corevist jość RnD-ofis u Miensku, kampanija — rezident PVT.