Vajna va Ukrainie. Dvaccać čaćviorty dzień ANŁAJN
Prasoŭvańnie rasijskich vojskaŭ pakul spyniłasia pa ŭsich napramkach, im vidavočna treba padmacavańnie i pierahrupavańnie. Padmacavańnie zavozicca i z boku Biełarusi. Pad Pietrykavam budujecca pieraprava dla tankaŭ, a na čyhuncy pačynaje dziažuryć śpiecnaz, bo rejkavaja vajna taksama dajecca ŭ znaki. Va Ukrainie ž pastajanna zapuskajucca rakiety, jakich, pavodle padlikaŭ Pientahona, vylecieła za ŭvieś čas užo 1080. Harady abstrelvajucca i bambiacca, uziataja taksama na ŭzbrajeńnie taktyka zachopu ŭ pałon miascovych ukrainskich čynoŭnikaŭ i deputataŭ. Dvuchbakovyja pieramovy taksama praciahvajuć iści, pakul što ich prahres, praŭda, tolki ŭmoŭny. «Naša Niva» praciahvaje sačyć za padziejami va Ukrainie i vakoł jaje.