U vyniku rasijskaha ŭdaru pa Mikałajevie zahinuli dziasiatki ŭkrainskich vajskoŭcaŭ
Pra heta paviedamiŭ Ukrainskaj słužbie Bi-bi-si deputat Alaksiej Hančarenka.
«Na žal, byŭ vialiki rakietny abstreł Mikałajeva. Dziasiatki ludziej zahinuli», — skazaŭ deputat, jaki viarnuŭsia ŭ piatnicu ź Mikałajeva ŭ Kijeŭ. Jon udakładniŭ, što havorka idzie ab abstrele kryłatymi rakietami «Kalibr».
Mocny abstreł uskrain Mikałajeva adbyŭsia ranicaj 18 sakavika. Mer horada Alaksandr Siankievič zajaviŭ, što pakolki abstreł rasiejskija vojski viali z terytoryi susiedniaj Chiersonskaj vobłaści, u horadzie navat nie paśpieli svoječasova ŭklučyć pavietranuju tryvohu.
U vyniku rakietnaha ŭdaru była razburanaja byłaja Škoła praparščykaŭ, paviedamlałasia ab tym, što pad abstreł patrapili žyłyja damy ŭ rajonie stancyi Kulbakina, a taksama ab udary pa Uźniasiensku — horadzie za 90 km na poŭnač ad Mikałajeva.