Rasija hatovaja zabiaśpiečyć Biełaruś pšanicaj, hrečkaj, alejem
Raźliki za enierhanośbity, uvoz charčavańnia ŭ Biełaruś i nastupstvy sankcyj abmierkavali 18 sakavika premjer-ministry Rasiei i Biełarusi Michaił Mišuścin i Raman Hałoŭčanka, paviedamlaje pres-słužba ŭrada.
Mišuścin prainfarmavaŭ biełaruskaha premjera ab pryniatych rašeńniach pa nieraspaŭsiudžvańni na Biełaruś uviedzienych u Rasii abmiežavańniaŭ pa vyvazie tavaraŭ, syraviny, technałahičnaha abstalavańnia, lekaŭ, miedycynskich vyrabaŭ, u ramkach prymajemych kontrsankcyj.
«Akramia taho, dasiahnuta damoŭlenaść ab tym, što ŭ ramkach uzhodnienych bałansaŭ budzie pry nieabchodnaści zabiaśpiečana pastaŭka ŭ Biełaruś usich charčovych tavaraŭ krytyčnaha impartu, u tym liku pšanicy ćviordych hatunkaŭ, hrečki, aleju pad poŭnuju patrebnaść rynku», — paviedamlaje pres-słužba.
Kiraŭniki ŭradaŭ taksama adznačyli, što baki znachodziacca ŭ zaviaršalnaj stadyi pieramoŭ pa pytańni cenaŭtvareńnia i raźlikaŭ za enierhanośbity pa pryncypie ŭzajemnaj padtrymki.