Jeŭrakamisija papiaredziła pra pahrozu hoładu ŭ vyniku rasijskaj ahresii
U suviazi z bajavymi dziejańniami Ukraina akazałasia pad pahrozaj hoładu. Pra heta zajaviŭ jeŭrakamisar pa ŭrehulavańni kryzisaŭ i humanitarnaj dapamohi Janez Lenarčyč u intervju niamieckamu vydańniu Welt am Sonntag.
Pa słovach Lenarčyča, humanitarny kryzis va Ukrainie ŭžo siońnia dasiahnuŭ krytyčnaj kropki, ale situacyja moža stać jašče horš.
— Heta biaźlitasnaje ŭvarvańnie pačałosia bolš troch tydniaŭ tamu, ale my ŭžo pačynajem bačyć, što nabližajecca hoład, — skazaŭ kamisar ES.
Ad hoładu ŭžo pakutuje nasielnictva Maryupala i inšych abłožanych haradoŭ.
Janiez Lenarčyč paviedamiŭ, što miedycynskija ŭstanovy sutykajucca ź vialikimi ciažkaściami pry atrymańni žyćciova nieabchodnych tavaraŭ.
- Kałasalnaja prablema — heta dostup. Pradastaŭleńnie humanitarnaha dostupu bieź jakich-niebudź pieraškod źjaŭlajecca abaviazkam, — skazaŭ jon, dadaŭšy, što JEK pašyraje svaju humanitarnuju dapamohu razam z partniorami na miescach.