Sud nad Safijaj Sapiehaj pačniecca 28 sakavika
28 sakavika Hrodzienski abłasny sud Biełarusi pačnie razhlad kryminalnaj spravy rasijanki Safii Sapiehi, raspavioŭ Bi-bi-si advakat siamji Anton Hašynski.
Sapieha abvinačvajecca ŭ administravańni tielehram-kanała «Čornaja kniha Biełarusi» (pryznany ŭ Biełarusi ekstremisckim), u jakim publikujucca asabistyja danyja siłavikoŭ. Jaje abvinavačvajuć pavodle častki 3 artykuła 130 KK Biełarusi — raspalvańnie varožaści, i pa šerahu mienš ciažkich artykułaŭ.
Safii pahražaje šeść hadoŭ turmy — heta minimalny termin pa hetym artykule z ulikam zaklučanaha Sapiehaj dasudovaha pahadnieńnia sa śledstvam.
Rasśledavańnie jaje spravy pravodziłasia ŭ Minsku, ale sprava pieradadzienaja na razhlad u Hrodna — mahčyma, tamu, što Sapieha prapisanaja ŭ horadzie Lida Hrodzienskaj vobłaści, piša Bi-bi-si.
Safija Sapieha była aryštavanaja 23 maja 2021 hoda razam z Ramanam Pratasievičam paśla pasadki samalota ŭ Minsku.
U śniežni minułaha hoda jana padała Alaksandru Łukašenku prašeńnie ab pamiłavańni.