Vizavy centr Łatvii prypyniŭ zapis pa techničnych pryčynach, ale ŭ konsulstvie vizy praciahvajuć vydavać
21 sakavika stała viadoma, što ludzi nie mohuć zapisacca na padaču dakumientaŭ u vizavyja centry Łatvii — pa telefonie tam kazali, što zapis prypynieny. Adnak vizy robiać u konsulstvie ŭ Viciebsku, ź niuansami.
U vizavym centry Łatvijskaj Respubliki ŭ Minsku rastłumačyli, što zapis na padaču dakumientaŭ sapraŭdy prypynieny, ale časova: adbylisia «techničnyja niepaładki», piša Zerkalo.io.
Pakul jany nie vyrašacca, zapisvać nikoha nie buduć, skazali va ŭstanovie. Kali ŭsio naładzicca, tam taksama nie viedajuć. Paraili pieryjadyčna telefanavać — mahčyma, prablemy likvidujuć užo zaŭtra.
U MZS Łatvii paćvierdzili, što ŭ vizavym centry zapis prypynili, ale zapeŭnili, što konsulstva Łatvii ŭ Viciebsku pracuje, tudy možna pisać i damaŭlacca ab atrymańni vizy. Praŭda, jość niuansy.
«Pakul vizy afarmlajucca vyklučna pa pytańniach pracy, ŭźjadnańnia siamji, nadzvyčajnych abstavinach, — rastłumačyli ŭ MZS. — Rašeńnie ab vydačy vizy prymaje konsulstva». Prypyniać vydaču viz biełarusam Łatvija pakul nie płanuje, raspaviali ŭ MZS. Pryniataje tolki rašeńnie prypynić vydaču dla hramadzian Rasii.
Na pytańnie, ci nie zakranie heta i našu krainu, na inšym kancy provada adznačyli: «Biełaruś ža nie Rasija».