Dačka Uładzimira Maškova: Baćka paprasiŭ mianie z dočkami viarnucca ŭ Rasiju i paprasić prabačeńnia za zdradu
Dačka viadomaha rasijskaha akciora Uładzimira Maškova aktrysa Maryja Maškova, jakaja žyvie ź dziećmi ŭ ZŠA, dała intervju telekanału CNN. Jana nie mahła pavieryć u toje, što adbyvajecca ź jaje baćkam.
«Toje, što adbyvajecca ciapier, u heta niemahčyma pavieryć. I fakt, što tak šmat ruskich, uklučajučy majho baćku, vierać, što hety hvałt choć niejak apraŭdany, raźbivaje mnie serca. Ale, viadoma, heta nielha paraŭnać z tym, što ciapier adčuvajuć ukrainskija ludzi, jakija pamirajuć. Ja havaryła sa svaim baćkam učora pa telefonie, i ciapier ja ŭ heta [što jon za vajnu z Ukrainaj] vieru, na žal».
Aktrysa raspaviała, što baćka paprasiŭ jaje nieadkładna viarnucca ŭ Rasiju razam sa svaimi dočkami, «kab być dobraj rasijankaj, kab prasić prabačeńnia za zdradu, kab być z ruskimi ludźmi, sa svaim narodam u baraćbie z ukrainskim nacyzmam».
Uładzimir Maškoŭ byŭ siarod vystupoŭcaŭ na mitynhu-kancercie z nahody anieksii Kryma ŭ «Łužnikach» 18 sakavika.