U Biełarusi nabyŭ moc zakon ab kredytnych historyjach
Siońnia nabyŭ moc zakon Respubliki Biełaruś «Ab kredytnych historyjach», padpisany prezidentam 10 listapada 2008 hoda.
Zakon nakiravany na ŭmacavańnie płaciežnaj dyscypliny, pavyšeńnie zacikaŭlenaści fizičnych i jurydyčnych asob u naležnym vykanańni abaviazacielstvaŭ pierad Nacyjanalnym bankam, bankami, niabankaŭskimi kredytna‑finansavymi arhanizacyjami respubliki, na źnižeńnie kredytnych ryzykaŭ i pavyšeńnie efiektyŭnaści pracy bankaŭskaj sistemy krainy.
Zakon zaklikany ŭdaskanalvać kredytnyja adnosiny ŭ Biełarusi, abaronu kredytoraŭ, źnižać kredytnyja ryzyki bankaŭ i ryzyki nieviartańnia srodkaŭ pa ŭkładach, tak jak kredyty vydajucca ŭ asnoŭnym za košt układčykaŭ.
Kredytnyja historyi — heta svojeasablivaje daśje finansavych ŭzajemaadnosin pamiž pazyčalnikam (fizičnaj ci jurydyčnaj asobaj) i bankam.
U Nacyjanalnym banku stvorana i dziejničaje infarmacyjnaja sistema «Kredytny rehistr». Heta sistema źviestak ab kredytnych dahavorach, na padstavie jakich farmirujucca kredytnyja historyi i dajucca kredytnyja spravazdačy.
Zakonam pašyrany pieralik dahavoraŭ, źviestki ab vykanańni abaviazacielstvaŭ pa jakich uklučajucca ŭ kredytnyja historyi. Heta kredytnyja dahavory, dahavory pazyki, zakładu, harantyi i paručycielstva. Pry hetym niama abmiežavańniaŭ pa sumie kredytu, pry pavyšeńni jakoj dajucca źviestki.
Zhodna z zakonam Nacbank farmiruje kredytnyja historyi na padstavie źviestak, jakija dajuć banki. Hetyja źviestki moža zapytać lubaja jurydyčnaja i fizičnaja asoba, zamiežnaja arhanizacyja.
Źviestki dajucca Nacbankam na padstavie dahavora akazańnia infarmacyjnych pasłuh za ŭznaharodžańnie ź piśmovaj zhody subjekta kredytnaj historyi. Dziaržorhanam takija źviestki vydajucca biaspłatna.
U toj ža čas pry vykarystańni kredytnych historyj Nacbank i banki abaviazanyja zabiaśpiečyć abaronu źviestak, jakija ŭ ich utrymlivajucca.
Subjekty kredytnych historyj na praciahu hoda biaspłatna mohuć adzin raz atrymać dostup da svajoj kredytnaj historyi, a taksama bolšuju kolkaść razoŭ — na padstavie dahavora ab akazańni infarmacyjnych pasłuh. Akramia taho, jany majuć prava zapatrabavać vypraŭleńnia niedakładnych źviestak u kredytnych historyjach.
Z 1 studzienia 2009 hoda na ŭsich kredytaatrymalnikaŭ u Biełarusi farmirujucca kredytnyja historyi.