Kamiedyja nie pa Pinihinu
Siarhiej Hurenka staŭ novym hałoŭnym trenieram minskaha «Dynama». 27-hadovy Kiryła Alšeŭski adpracavaŭ z kamandaj usiaho try tydni. Heta ŭžo dvaccaty trenier za niapoŭnyja dziesiać hadoŭ kłuba.
Siarhiej Hurenka, Fota «FK Dynama-Minsk»
U piatnicu dniom novym hałoŭnym trenieram futbolnaha minskaha «Dynama» staŭ eks‑kapitan nacyjanalnaj zbornaj 36‑hadovy Siarhiej Hurenka.
Jon źmianiŭ na hetaj pasadzie 27-hadovaha Kiryłu Alšeŭskaha, jaki adpracavaŭ z kamandaj tolki try tydni. Alšeŭski, u svaju čarhu, pryjšoŭ 27 lipienia na źmienu sierbskamu śpiecyjalistu Słavalubu Muślinu.
Usiaho sa śniežnia 1999 h., kali viadomy pradprymalnik i kiraŭnik chołdynhu «Trajpł» Jury Čyž staŭ staršyniom naziralnaj rady ZAT «FK «Dynama‑Minsk»,
Hurenka — užo dvaccaty (!) hałoŭny trenier.
U siarednim atrymlivajecca pa dva śpiecyjalisty na hod…
Miarkujučy pra ŭsim, Siarhiej Vitalevič, jaki hulaŭ u italjanskich «Romie», «Pjačency» i «Parmie», ispanskaj «Sarahosie», maskoŭskim «Łakamatyvie», ciapier zavieršyć karjeru futbalista i zasiarodzicca vyklučna na trenierskaj pracy.
Kiryła Alšeŭski, chutčej za ŭsio, vierniecca ŭ dubl «Dynama», jakim jon paśpiachova kiravaŭ da 27 lipienia 2009 h. — pad jaho kiraŭnictvam najbližejšy rezierv hałoŭnaj kamandy ŭpeŭniena zajmaŭ pieršaje miesca.
Hałoŭnyja treniery minskaha «Dynama» z kanca 1999 h.
- 1. Jury Kurnienin
2. Pavieł Radnionak
3. Alaksandr Piskaroŭ (Rasija)
4. Hieorhi Kandraćjeŭ
5. Eduard Małafiejeŭ
6. Andrej Zyhmantovič
7. Vienijamin Arzamascaŭ (u jakaści v.a)
8. Hieorhi Hiuraŭ (Bałharyja)
9. Anatol Bajdačny
10. Piotr Šubin (Rasija)
11. Jury Šukanaŭ
12. Alaksandr Bašmakoŭ
13. Alaksandr Rabakoń (Ukraina)
14. Alaksiej Piatrušyn
15. Piotr Kačura
16. Alaksandr Chackievič
17. Ihar Kryvušenka
18. Słavalub Muślin (Sierbija)
19. Kiryła Alšeŭski
20. Siarhiej Hurenka
***
Za hetyja niapoŭnyja dziesiać hadoŭ siamirazovy čempijon Biełarusi «Dynama» adzin raz zavajavała čempijonski tytuł (u 2004 h., hałoŭny trenier — Jury Šukanaŭ), čatyry razy stanaviłasia vice‑čempijonam (2001 — Małafiejeŭ; 2005 — Rabakoń; 2006 — Piatrušyn, 2008 — Muślin), dvojčy finišavała na trecim miescy (2000 — Radnionak; 2003 — Bajdačnyj). U 2003 h. pry Hieorhi Hiuravie ŭziało Kubak Biełarusi.