Cemientavy Čaburaška i Vilenskaje baroka

Videavandroŭka

Žurnalisckaje padarožža pa cikavych vakolicach miastečka Hłybokaje.

Kamanda žurnalistaŭ «Našaj Nivy» vypraviłasia ŭ vandroŭku pa Hłyboččynie. Što z hetaha vyjšła, možna pabačyć u našym nievialikim filmie.

Padarožža vydałasia nadzvyčaj cikavym. Žurnalisty nie tolki padzivilisia na šykoŭnyja sabory ŭ styli vilenskaha baroka ŭ Hłybokim, ale i zavitali ŭ biaźludny ahraharadok, nad jakim kružlajuć hruhany.

Akramia hetaha vyjaviłasia, što žychary biełaruskaha Paryžu nie razumiejuć pa-biełarusku, što ŭ sažałcy la znakamitaha kaściołu ŭ Mosary žyvie akuła, što hłybockija mužyki dojać karovaŭ i što vada ŭ samym hłybokim voziery Biełarusi nadziva ciopłaja.

I, narešcie, my razhadali tajamnicu Cemientavaha Čaburaški ź vioski Mierackija. Što heta – pamiatka tajamničaha pahanskaha kultu ci tvor sučasnaha mastactva? Adkaz šukajcie ŭ našym videa:

Pryjemnaha prahladu!

Taksama čytajcie vialiki repartaž Źmiciera Pankaŭca z vandroŭki pa Hłyboččynie, azdobleny fotazdymkami Julii Daraškievič.

Z dapamohaj hetaj virtualnaj mapy vy, razam z žurnalistami «Našaj Nivy», možacie naviedać i inšyja miaściny Biełarusi:

Kamientary da artykuła