Viadučaha biznes-analityka EPAM pakarali tryma hadami «chatniaj chimii»
U sudzie Zavodskaha rajona Minska 18 krasavika vyniesieny prysud pa spravie viadučaha biznes-analityka EPAM i palitviaźnia Dzianisa Nasury.
Jaho abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym ŭdziele u ich (č. 1 art. 342 Kryminalnaha kodeksa).
Spravu razhladała sudździa Alena Kapcevič.
Dzianisa Nasuru zatrymali napiaredadni Novaha hoda — 31 śniežnia. Da suda byŭ źmieščany ŭ SIZA №1.
Pakul praciahvałasia śledstva, sajt Navukova-daśledčaha instytuta AIPI NAN RB vydaliŭ z archivu ŭsie navukovyja pracy Dzianisa, jaki pracavaŭ tam bolš za 10 hadoŭ. Udzielničaŭ u kaśmičnych prahramach «Kosmas BR» i «Kosmas NT», u stvareńni supierkampjutara, u zapusku biełaruskaha spadarožnika «Biełka-1». Publikavaŭ artykuły i navukovyja pracy.
U vyniku sud pastanaviŭ pryznać Dzianisa Nasuru vinavatym i pryznačyć pakarańnie ŭ vyhladzie abmiežavańnia voli biez nakiravańnia va ŭstanovu adkrytaha typu terminam na try hady (h.zv. «chatniaja chimija»).
Da vyznačeńnia ŭmovaŭ adbyćcia pakarańnia jon vyzvaleny z-pad varty.