Palitviaźnia Arcioma Miadźviedskaha, jaki ŭ lutym źbieh z «chimii», zatrymali i viarnuli ŭ PUAT
Jak stała viadoma pravaabaroncam, palitźniavoleny Arciom Miadźviedski znoŭ na «chimii». Raniej paviedamlałasia, što jamu ŭdałosia adtul źbiehčy.
Na pačatku lutaha źjaviłasia infarmacyja, što Arciom zdoleŭ uciačy z papraŭčaj ustanovy №45. Paviedamlałasia, što Miadźviedski źbieh ź lakarni ŭ Kamiency, kudy trapiŭ ź lohkim strasieńniem mozha paśla taho, jak paśliznuŭsia i zvaliŭsia ŭ budynku PUAT.
Ale praź niekatory čas Arcioma zatrymali i ciapier jon znoŭ utrymlivajecca ŭ niavoli.
Miadźviedskaha zatrymali 19 kastryčnika 2020 hoda. Jaho abvinavacili ŭ tym, što ŭviečary 10 žniŭnia jon udzielničaŭ u akcyi pratestu kala stancyi mietro «Puškinskaja», vykaciŭ na darohu kamień i heta pryviało da błakavańnia prajeznaj častki.
15 studzienia 2021 hoda palitviaźniu prysudzili 3 hady «chimii».