Pačałasia vialikaja bitva za Danbas. Idzie bieśpierapynny artaabstreł pa ŭsioj linii frontu
Rasijskaja armija aktyvizavała nastupalnyja i šturmavyja dziejańni na asobnych učastkach frontu Słabažanskaha i Danieckaha kirunkaŭ. Pra heta havorycca ŭ viečarovaj zvodcy Hienieralnaha štaba Uzbrojenych Sił Ukrainy ad 18 krasavika.
Prezident Zialenski ŭ svaim viečarovym videazvarocie paćvierdziŭ, što pačałasia vialikaja bitva za Danbas.
«Budziem abaraniacca. Budziem zmahacca. Ničoha ŭkrainskaha nie addamo, a čužoha nam nie treba», — skazaŭ jon.
Maryupal paśla rasijskich bambiožak. Fota AP Photo / Alexei Alexandrov.
Padkreślivajecca, što ŭdar skiravany na zachop nasielenych punktaŭ Liman, Kramianaja, Papasnaja, Rubiežnaje i Maryupal.
Miarkujučy pa paviedamleńniach, rasijanam udałosia ŭvajści ŭ horad Kramianaja.
Pa ŭsioj linii frontu ad Iziuma i Sievieradaniecka na ŭschodzie da Hulajpola na zachadzie idzie bieśpierapynny artyleryjski abstreł.