Synu biznesoŭca Vajciachoviča dali dva hady kałonii za pratesty
U Miensku 16 traŭnia abviaścili prysud Illi Vajciachoviču, jakoha sudzili za ŭdzieł u akcyi pratestu, paviedamlaje Zerkalo.io na pastavie svajoj infarmavanaj krynicy. Mužčynu ŭ studzieni zatrymali na miažy, kali jon jechaŭ na pachavańnie baćki.
Illa Vajciachovič. Fota: Snezhana Zelcha.
Sud pryznaŭ mužčynu vinavatym pa častcy 1 artykuła 342 KK RB («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich») i pryznačyŭ jamu dva hady kałonii.
Pra zatrymańnie Illi Vajciachoviča ŚMI paviedamili 16 studzienia — na nastupny dzień paśla taho, jak prajšło pachavańnie kiraŭnika biznes-inkubatara sielskaha pradprymalnictva «Kamarova» Eduarda Vajciachoviča.
Krynicy kazali, što Illa jakraz jechaŭ na pachavańnie. Ale tak na ich i nie trapiŭ — jaho zatrymali na miažy i dastavili na Akreścina. U SIZA jon pravioŭ čatyry miesiacy.