U Francyi pryznačyli novaha premjer-ministra
Prezident Francyi Emanuel Makron pryznačyŭ novaha premjer-ministra. Pasadu zaniała Elizabet Born.
Elizabet Born stała druhoj u historyi žančynaj, jakaja zaniała pasadu premjer-ministra Francyi. 30 hadoŭ tamu Edzit Kreson była premjerkaj na praciahu 11 miesiacaŭ.
Pierad hetym Elizabet Born zajmała pasadu ministra pracy ŭ kabiniecie Žana Kasteksa. Kasteks byŭ premjeram z 2020 hoda. A siońnia jahony ŭrad byŭ płanava adpraŭleny ŭ adstaŭku, bo taki paradak musić być paśla kožnych prezidenckich vybaraŭ.
Ahienctva dpa piša, što vybar Makronam kandydatury novaha premjera źviazany ź jahonym žadańniem atrymać padtrymku pierad majučymi adbycca parłamienckimi vybarami jak levych, tak i kansiervatyŭnych vybarščykaŭ.