Čaści ŭkrainskaj armii pierapravilisia na levy bierah Danca, u tył iziumskaj hrupiroŭcy rasijan
Čaści ŭkrainskaj armii pierapravilisia na levy bierah Sievierskaha Danca i zamacavalisia ŭ Vaŭčanskim rajonie Charkaŭskaj vobłaści. Kali im udasca raźvić hety pośpiech, jany vyjduć u tył hrupoŭki rasijskich vojskaŭ pad Iziumam.
Ukrainski bok pakul nie paviedamlaŭ pra heta, ale rasijski šavinistyčny kanał «Rybaŕ», jaki maje nadziejnyja krynicy ŭ rasijskaj armii, piša, što ŭkraincy zdoleli abstalavać pastajannyja ahniavyja pazicyi i navat pierakinuć rakietnyja sistemy załpavaha ahniu pad Chatomlaj i ŭ vakolicach Bieraźniakoŭ.
«Jak miarkujecca, pieraprava była naviedzienaja na poŭdzień ad Staroha Sałtava, — paviedamlaje kanał. — Na ŭschodnim bierazie Sievierskaha Danca pačali dziejničać mabilnyja ŭkrainskija DRH, jakija dabirajucca da ŭskrain Vaŭčanska», — dadaje jon.