Łabavoje sutyknieńnie ŭ Rečyckim rajonie: zahinuli dvoje dziaciej
Zdareńnie adbyłosia na 143-m kiłamietry darohi M10 «Miaža Rasii — Homiel — Kobryn». Tam sutyknulisia «Piežo» i «Hazel».
Fota: MUS
35-hadovaja žančyna, što była za rulom «Piežo», na zakruhleńni darohi nie spraviłasia z kiravańniem, vyjechała na sustrečnuju, dzie sutyknułasia z «Haziellu», jakoj kiravaŭ 60-hadovy kiroŭca.
Dvoje pasažyraŭ «Piežo» (dziaŭčynka 3-ch i chłopčyk 17-i hadoŭ) zahinuli na miescy. Kiroŭca «Hazeli» i dvoje pasažyraŭ (dziaŭčynka 12-i i mužčyna 34-ch hadoŭ) dastaŭleny ŭ reanimacyju.
Na miescy DTZ pracujuć supracoŭniki DAI, śledča-apieratyŭnaja hrupa, ratavalniki i miedyki.