U Biełarusi zabaranili rasijskuju «Chranovinu»
U biełaruskaha Dziaržstandarta ŭźnikli pretenzii da padliŭki z aharodniny «Chranovina» i jašče niekalkich prypraŭ rasijskaj vytvorčaści. Ich zabaroniena ŭvozić u Biełaruś i pradavać da taho času, pakul nie buduć likvidavanyja parušeńni jakaści.
Sous «Chranovina» kanfiskavany z abaračeńnia, bo ŭ im vyjavili pieravyšeńnie kancentracyi charčovych dabavak — kansiervantaŭ bienzojnaj i sarbinavaj kisłotaŭ (Je210 i Je200). U viedamstvie paviedamlajecca, što ich utrymańnie ŭ 1,86 raza pieravysiła maksimalny ŭzrovień.
Patrabavańniam techrehłamientaŭ Mytnaha sajuza, jak akazałasia, nie adpaviadajuć i inšyja pradukty vytvorčaści pad brendam «Stojev'»: zapraŭka dla kurycy i mołataja čyrvonaja sałodkaja papryka. U ich pieravyšanaje ŭtrymańnie ćvili, a taksama vyjaŭlenyja bakteryi hrupy kišačnych pałačak.
Imparciory i vytvorcy, da jakich uźnikli pytańni, mohuć viarnucca na rynak Biełarusi, likvidavaŭšy parušeńni i daŭšy dokazy hetaha.