Eduard Babaryka zastajecca pad vartaj, jahonuju skarhu nie zadavolili
Sudździa suda Partyzanskaha rajona Minska Michaił Makarevič 20 traŭnia razhledzieŭ na zakrytym pasiedžańni skarhi Eduarda Babaryka i jaho advakata na padaŭžeńnie terminu ŭtrymańnia pad vartaj.
Eduard Babaryka
U vyniku ŭ vyzvaleńni z-pad varty było prahnazavana admoŭlena. Eduard zastajecca ŭ źniavoleńni. Advakat Eduarda padaŭ skarhu ŭ vyšejšuju instancyju, jaje razhledziać na nastupnym tydni.
Eduard Babaryka bieśpierapynna ŭtrymlivajecca pad vartaj biez suda ŭžo bolš za 23 miesiacy. Jaho zatrymali razam z baćkam Viktaram Babarykam 18 červienia 2020 hoda.
Eduard byŭ kiraŭnikom štabu Viktara Babaryki na prezidenckich vybarach. Zatrymańnie adbyłosia ŭ DFR, kudy raniej jaho vyklikali na dopyt.