Pradstaŭnik ES źniavolenym žurnalistam: My budziem i dalej dabivacca vašaha vyzvaleńnia
Śpiecyjalny pradstaŭnik ES pa pravach čałavieka Iman Hiłmar źviarnuŭsia z adkrytym listom da biełaruskich žurnalistaŭ, jakija znachodziacca za kratami.
Pradstaŭnik Jeŭrasajuza piša:
«Ciaham apošnich niekalkich miesiacaŭ my źviartali ŭvahu ŭładaŭ Biełarusi i ŭsiaho śvietu na žachlivyja ŭmovy ŭtrymańnia ŭ turmach, dzie vy znachodziciesia. My paŭtarajem naš zaklik da nieadkładnaha i biezumoŭnaha vyzvaleńnia ŭsich palityčnych źniavolenych.
Vaša źniavoleńnie demanstruje nie moc režymu Łukašenki, a jaho biaśsille, bo jon baicca praŭdy i nie moža supraćstajać svabodzie słova.
Ja razumieju, što dla vas, vašaj siamji i vašych siabroŭ heta ciažki čas. Ja chaču, kab vy viedali, što vaša Jeŭrapiejskaja siamja padtrymlivaje vas u imknieńni da demakratyi.
Ja ŭpeŭnieny, što hetyja namahańni ŭviančajucca pośpiecham. Ja asabista žadaju vam usiaho dobraha i zapeŭnivaju, što my budziem i dalej prykładać namahańni, kab damahčysia vašaj svabody».