Janka Bryl i Licej
Sumnaja viestka pra śmierć Janki Bryla zaśpieła vykładnikaŭ i navučencaŭ Biełaruskaha Liceju ŭ Hdańsku. A dakładniej – nie ŭ samim Hdańsku, a na paŭvyśpie Hel – akurat u toj samaj miaścinie, dzie Janka Bryl u składzie marskoj piachoty Vojska Polskaha ŭ pieršyja dni vieraśnia 1939 h. pryniaŭ udar nacystoŭskaje vajennaje mašyny.
Sumnaja viestka pra śmierć Janki Bryla zaśpieła vykładnikaŭ i navučencaŭ Biełaruskaha Liceju ŭ Hdańsku. A dakładniej – nie ŭ samim Hdańsku, a na paŭvyśpie Hel – akurat u toj samaj miaścinie, dzie Janka Bryl u składzie marskoj piachoty Vojska Polskaha ŭ pieršyja dni vieraśnia 1939 h. pryniaŭ udar nacystoŭskaje vajennaje mašyny. Usio hetak symbalična... Uzhadajma, što dekret ab aficyjnym zakryćci Liceju byŭ padpisany tahačasnym staršyniom uradu Navickim akurat u dzień pachavańnia Vasila Bykava...
I ŭsio ž taki chočacca ŭzhadvać toje, što źviazvaje Licej z žyvym, hetkim niezabyŭnym Brylom. Pomnicca, jak u pieršaj pałovie 90-ch hadoŭ Janka Bryl razam sa svajoj dačkoj Natalaj Siemaškievič achviaravaŭ u licejskuju biblijateku vialikuju kolkaść dobrych i kaštoŭnych knih (paśla zachopu licejskaha budynku AMAPam los vialikaje ich častki, na žal, nieviadomy). Hetyja knižki prynosili dadomu i čytali Illa Sin i Michaś Bajaryn, Raman Padalaka i Prymaviera, Siarhiej Smatryčenka i Ŭsiasłaŭ Šaternik, Hleb Łabadzienka i Mikałaj Astrejka...
Dobra pamiatajecca vizyt Janki Bryla ŭ Licej u 2001 h. Majstar z achvotaj i vialikim zacikaŭleńniem pravioŭ bolš za čatyry hadziny ź liceistami i vykładčykami, adkazaŭ na bieźlič pytańniaŭ, navat krychu byŭ zaśpiavaŭ... Tady zdavałasia, što hetkija sustrečy buduć jašče i jašče. Nia vypała...