Na miescy bara «Kalinoŭski» adkryŭsia novy — z ruskamoŭnaj nazvaj
Paśla inśpiekcyi na Zybickuju prapahandystaŭ i aktyvistaŭ BRSM bar «Kalinoŭski» tak i nie adčyniŭsia. Ciapier na jaho miescy novaja ŭstanova — «Sumierki».
Fota: sacsietki bara
«Narmalizavany» bar adkryŭsia ŭčora.
«Viečarynki i aŭtarskija napoi kožny dzień», — rekłamujuć jany siabie ŭ Instahramie.
U mieniu — roznyja vidy ałkaholu i kaktejli biez namioku na biełaruskaść u naźvie: «Nas nie dahoniać», «Kukła kałduna», «Naša leta».
Da novaha bara pierajšło nie tolki pamiaškańnie, ale i akaŭnt u Instahramie.
Ckavańnie «Kalinoŭskaha» pačałosia ŭ kancy maja. Kali adnaho z naviedvalnikaŭ, azierbajdžanca Nurłana Safaralijeva, nie puścili ŭnutr, jon paskardziŭsia ŭ sacsietkach, što pryčynaj nibyta stała jaho nacyjanalnaść. Abstaviny zdareńnia nieviadomyja, ale bar imhnienna trapiŭ u niamiłaść da łukašystaŭ. Da ŭpaŭnavažanaha pa spravach relihij i nacyjanalnaściaŭ adpravili list z BRSM z prośbaj zakryć bar.
Prychilniki ŭłady padčas rejdu prapanoŭvali pieranazvać bar u «Baćkaŭ kut».