Amierykanski hienierał nazvaŭ krainy, na jakija moža nacelicca Kreml paśla Ukrainy
Mark Arnold adznačyŭ, što Rasija pahražaje biaśpiecy krain NATA.
Rasijskaja Fiederacyja pahražaje biaśpiecy krain Paŭnočnaatłantyčnaha aljansu. Nastupnymi celami dla Maskvy mohuć stać Łatvija, Litva i Estonija.
Pra heta raspavioŭ amierykanski bryhadny hienierał u adstaŭcy, vieteran Iraka i Afhanistana Mark Arnold u intervju «RBK-Ukraina».
Na jaho dumku, ahresija RF suprać hetych krain pačniecca pavolna — z kibieratak, palityčnaha ŭmiašańnia z dapamohaj infarmacyjnych apieracyj i sprob raspalić hramadzianskija vojny. Pry hetym hienierał miarkuje, što potym Rasija moža pasprabavać anieksavać terytoryi Hruzii, Litvy, Łatvii i Estonii.
«NATA moža paźbiehnuć hetaha, praciahvajučy izalavać Rasiju, padtrymlivajučy demakratyčnyja sistemy NATA i ŭmacoŭvajučy svaje tradycyjnyja vajennyja srodki strymlivańnia», — adznačyŭ Arnold.