MUS Ukrainy: Rasija ŭ 60 razoŭ čaściej atakavała cyvilnyja abjekty, čym vajskovyja
Pra heta ŭ efiry ŭkrainskaha telebačańnia raspavioŭ pieršy namieśnik ministra ŭnutranych spraŭ Jaŭhien Jenin, piša Ukrinfarm.
Pa jaho słovach, ad pačatku poŭnamaštabnaha ŭvarvańnia rasijskija vajskoŭcy bolš za 17,3 tysiačy razoŭ papali pa cyvilnych abjektach va Ukrainie i krychu bolš za 300 — pa vajskovych.
Jenin pierakanany, što tak vajuje tolki toj, chto maje namier źniščać ukraincaŭ.
Nahadajem, što ŭ vyniku ŭčorašniaj ataki na centr Vińnicy ŭ ofisnym budynku, u miedycynskim centry i na aŭtaparkoŭcy vakoł ich zahinuli 23 čałavieki, jašče 39 ličacca źnikłymi bieź viestak, a bolš za 100 paranienyja. Siarod zabitych — troje dziaciej.